पनवेल महापालिका शाळेतील विद्यार्थ्यांचे शिष्यवृत्ती परीक्षेत सुयश
पनवेल : शासनाकडून शैक्षणिक वर्ष २०२३-२४ मध्ये घेण्यात आलेल्या इयत्ता पाचवीच्या शिष्यवृत्ती परीक्षा मध्ये पनवेल महापालिका शाळेतील ५ विद्यार्थ्यांनी सुयश मिळवले आहे. महापालिका आयुक्त डॉ. प्रशांत रसाळ यांच्या मार्गदर्शनाखाली अतिरिक्त आयुक्त भारत राठोड, शिक्षणाधिकारी रमेश चव्हाण, अधीक्षक किर्ती महाजन यांनी केलेल्या वेळोवेळी केलेल्या योग्य नियोजनानुसार सर्व शाळेत शिष्यवृत्ती परीक्षार्थींची तयारी करण्यात आली होती.
शिष्यवृत्ती परीक्षेचा ३० एप्रिल रोजी निकाल जाहीर झाला असून पनवेल महापालिकेच्या शाळा क्रमांक-१ दि. बा. पाटील शाळेतील नैतिक राघो पाटील, शाळा क्र.२ हुतात्मा हिरवे गुरुजी शाळेतील आशियाना मोहम्मद हुसेन अन्सा, शाळा क्र.५ मोठा खांदा जीवन शिक्षण विद्या मंदिर शाळेतील ऋषिकेश महादेव नागरगोजे, शाळा क्र. ७ तक्का मराठी शाळेतील प्रिन्स जगत सोनकर आणि श्रवण मनोज बहिरा असे ५ विद्यार्थी शिष्यवृत्तीस पात्र ठरले आहेत. या सर्व विद्यार्थ्यांना मार्गदर्शन करणाऱ्या शाळा क्र.१ दि. बा.पाटील मधील पाचवीच्या वर्गशिक्षिका वैशाली पाटील, मुख्याध्यापिका अनुपमा डामरे, शाळा क्र.२ हुतात्मा हिरवे गुरुजी शाळेतील वर्गशिक्षक कमल तायडे आणि मुख्याध्यापक वाल्मीक राठोड, शाळा क्र.५ मोठा खांदा जीवन शिक्षण विद्या मंदिर मधील पाचवीच्या वर्गशिक्षिका शुभांगी गोरखनाथ, शाळा क्र. ७ तक्का मराठी शाळेतील वर्गशिक्षक वैभव पाटील तसेच मुख्याध्यापिका संध्या सावळे तसेच सर्व शिक्षक वृंद आणि विद्यार्थी यांचे आयुक्त डॉ. प्रशांत रसाळ यांनी अभिनंदन करुन त्यांना पुढील वाटचालीसाठी शुभेच्छा दिल्या.
शिष्यवृत्ती परीक्षेत पात्र ठरलेल्या विद्यार्थ्यांचे आणि त्यांना मार्गदर्शन करणाऱ्या सर्व शिक्षकांचे, मुख्यध्यापकांचे आयुक्त डॉ. रसाळ यांनीी अभिनंदन केले. शैक्षणिक वर्ष २०२४-२५ मध्ये १०० टवव्ोÀ विद्यार्थी शिष्यवृत्ती परीक्षेत बसवून जास्तीत जास्त विद्यार्थी शिष्यवृत्तीधारक ठरतील, असा विश्वास यावेळी व्यक्त करण्यात आला.
