केबीपीच्या अंशुमन झिंगरानने जलतरण स्पर्धेत पटकाविले रौप्य पदक
नवी मुंबई : वाशी येथील रयत शिक्षण संस्थेच्या कर्मवीर भाऊराव पाटील कॉलेजच्या अंशुमन झिंगरान या विद्यार्थ्यांने जलतरण स्पर्धेत रौप्य व कांस्य पदक प्राप्त केले आहे. मुंबई विद्यापीठ व डोंबिवली येथील प्रगती महाविद्यालय यांच्या संयुक्त विद्यमाने डोंबिवली येथे या जलतरण स्पर्धेचे आयोजन करण्यात आले होते.
या स्पर्धेत अंशुमनने 200 मीटर व 1500 मीटर फ्री स्टाईल मध्ये रौप्य व कांस्य पदक पटकावले. अंशुमन झिंगरान हा विद्यार्थी वाशीतील रयत शिक्षण संस्थेच्या कर्मवीर भाऊराव पाटील महाविद्यालयात पदवीच्या प्रथम वर्षात शिक्षण घेत आहे. यापूर्वीही त्याने जलतरण स्पर्धेत चमकदार कामगिरी केली आहे.
महाविद्यालयाच्या प्राचार्या डॉ. शुभदा नायक उपप्राचार्य प्रो.डॉ.राजेश्री घोरपडे तसेच जिमखाना चेअरमन डॉ. बिपीन शिंदे, क्रीडा संचालक प्रा.महादेव खाडे व जिमखाना प्रमुख प्रा. भास्कर हनवटे यांनी अंशुमन याच्या चमकदार यशाचे कौतुक आणि अभिनंदन केले आहे.
