किसननगर परिसरात सर्वंकष स्वच्छता मोहीम
ठाणे : ठाणे महापालिका तर्फे २१ डिसेंबर रोजी वागळे प्रभाग समितीतील किसननगर परिसरात सर्वंकष स्वच्छता मोहीम राबवण्यात आली. उपमुख्यमंत्री एकनाथ शिंदे यांच्या संकल्पनेतून सुरू झालेल्या सर्वंकष स्वच्छता मोहिमेत मोठे रस्ते आणि चौक यांची स्वच्छता सुरू करण्यात आली होती. त्यातच आता झोपडपट्टी परिसर, अंतर्गत रस्ते यांचीही स्वच्छता करण्यात येत आहे.
महापालिका आयुक्त सौरभ राव यांच्या निर्देशानुसार झोपडपट्टी परिसरातील अंतर्गत रस्ते, गटारे, सार्वजनिक शौचालय यांच्या स्वच्छतेची मोहीम २१ डिसेंबर रोजी वागळे प्रभाग समितीतील किसननगर परिसरात राबवण्यात आली.
घनकचरा व्यवस्थापन विभाग, अतिक्रमण विभाग आणि वागळे इस्टेट प्रभाग समिती यांच्या समन्वयाने सदर परिसरातील गटारे, अंतर्गत रस्ते, छोट्या गल्ल्या, पाईप लाईन गलतचा रस्ता, सार्वजनिक शौचालय यांची सर्वंकष स्वच्छता करण्यात आली. अतिरिक्त आयुक्त प्रशांत रोडे यांच्या मार्गदर्शनात सदर स्वच्छता मोहिमेत सुमारे १०० स्वच्छता कर्मचाऱ्यांसोबत उपायुक्त मनिष जोशी, आरोग्य अधिकारी डॉ. राणी शिंदे, माजी ज्येष्ठ नगरसेवक राम रेपाळे तसेच ‘शिवशांती प्रतिष्ठान'चे स्वयंसेवकही सहभागी झाले होते.
सर्वकष स्वच्छता मोहिमेत झोपडपट्टी परिसरातील अंतर्गत रस्ते, गटारे, आणि सार्वजनिक शौचालय यांची स्वच्छता करण्यात येत आहे. सिध्देश्वर तलाव परिसरानंतर आता किसननगर येथील परिसरात सर्वंकष स्वच्छता करण्यात आली. यावेळी गटारे, सार्वजनिक शौचालयांची स्वच्छता करण्यात आली. तसेच परिसरातील राडारोडाही उचलण्यात आला.
